كل سنة والمصريين بخير وسعادة وتيفود ومرض وفقر واطفال شوارع وتوربينى وحوادث قتل بشعة كل سنة والمصريين بيهربوا من مصر زوجة ابوهم من البحر ومن الجو ومن اى مكان ان كان حتى وان كان مصيرهم الموت غرقا بعيدا عن اهلهم وعن حلمهم كل سنة وافران العيش زحمة وكأنها يوم الحساب وبيموت عليها من الجوع الناس كل سنة والمصريين احتلوا المراكز المتقدمة بصدارة واعتزاز وفخر وبلا منازع فى الفشل الكلوى وكاس العالم فى التهاب الكبد الوبائى بأنواعة الثلاث والحمدلله مفيش نوع رابع والميدالية الذهبية فى السرطانات الخبيثة بتفوق منقطع النظير كل سنة والمصرى بيضرب على قفاة وبيتاكل حقة فى جميع الدول العربية الشكيكة اقصد الشقيقة من قتل فى العراق الى السحل فى ليبيا الى الجلد فى السعودية الى الأهانة فى الكويت الى المرمطة فى سجونهم ومعتقلاتهم بأذن الكفيل الطيب الشرس القبيح مع الآعتزار للفيلم الآمريكى فالطيب حين يوعدك بالجنة وانت فى مصر والشرس حين يشرف عليك فى العمل وانت فى الدولة الخليجية والقبيح وهو الوجة الثالث حين يسرق اجرك وانت عائد الى ام الدنيا حتى الآردن الحزين الفقير مثلنا يضرب المصريين بالجزمة الميرى فى شوارع عمان كل سنة والمصريين فى اضراب دائم من قلة المرتبات ومدير اى شركة مخروبة بنت كلب مرتبة مليون ومأتان الف جنية مش فى السنة طبعا دة فى الشهر غير الحوافز و البدلات والعربية اللى بتجيب الخضار للمدام كل سنة و ابنك وابنى فى المدارس الحكومية والفصل الدراسى ثمانون طفل فقط علشان ال اية يفهموا كويس كل سنة ووزارة الخارجية اقصد التكية بتاعة اللى خلفوهم بخير فمع عدم اهتمامهم بأخذ حقوق المصريين المهدرة فى كل العواصم العربية والآفريقية والآوربية واستراليا وامريكا حتى جزر الواق واق لن يذهب السفير المصرى لآنقاذ احد الا لآستقبال الحرامية واللصوص المسافرين بالآثار المصرية لبيعها للدول الصديقة أو اخذ العمولات والبذنذ منبيع وشراء البضائع و الآراضى فى الدولة المضيفة كل سنة والمصريين ارضهم تباع بتراب الفلوس للوليد ابن طلال والآمراء العرب فى توشكى والآراضى الجديدة وطبعا لآولاد المسؤلين وجيرانهم واحفادهم كل سنة والمصريين مش لآقين عشة تلم ولادهم واحنا بنستورد فانوس رمضان والشبشب وسجادة الصلاة والسيارة والتليفون المحمول والآدوية والتليفزيونات والملابس والاسماك والجمبرى والبطارخ والسيمون فيمية و القطن علشان لن نزرعة مرة اخرى كل سنة والمصريين بيستوردوا البمب والصواريخ والشماريخ و المسدسات اللعبة والكارتون فى التليفزيونات كل سنة واولاد المصريين بيشموا الكلة وبيهربوا من المدرسة وبيعتدوا عليهم فى القطارات الخرابات كل سنة والمصريين يبيعون الكلى وقطع من اجسادهم من اجل ان يعيش ابنائهم عيشة كريمة كل سنة وربنا يكرم المصريين بالحرائق فى كل مكان ابتداء بالقطار فى الصعيد الى مجلس الشورى الى مسرح بنى سويف الى العبارة الجميلة الى مخاذن القطاع العام وسلملى على الماس الكهربائىكل سنة والمصريين بخير والرئيس المؤمن محمد حسنى مبارك بخير هو وعلاء وجمال وماما سوزان و يارب يتم المائة سنة وفترة الحكم الجديدة نبيع النيل وهيئة قناة السويس من اجل اكبر مشروع فى عهد فخامة الرئيس وهو ان نستورد مش شرط نستور اية المهم نستورد و خلاص بحبك يامصر و لو عندى التهاب كبد وبائى بحبك يامصر ولو هنام تحت كوبرى بحبك يامصر ولو ربنا ابتلانى بالتعليم المجانى او ركبت عبارة وانا رايح العمرة فوق السطح بحبك يامصر وارضى ضايعة بحبك يامصر وحق ولادى ضايع بحبك يا مصر وارفض التوريث لجمال و رجالة الآعزاء
اسامة الرودى ابن الاسماعيلية